Mesa redonda sobre Valentín Paz Andrade

Coido que mañá martes, 10 de abril, pode ser unha boa oportunidade para coñecer as diversas dimensións que constrúen o perfil intelectual de Valentín Paz Andrade a través de tres das voces que afondaron, máis recentemente, no estudo da súa obra e mais da súa biografía como son Tucho Calvo, Charo Portela e mais Xan Carballa, actuando como moderador Miguel Anxo Seixas. O acto desenvolverase na Casa Galega da Cultura, ás oito do serán, e o acto completarase cunha pequena mostra bibliográfica e documental resultado dunha escolla do que na Fundación Penzol se conserva sobre o persoeiro ao que se lle dedica o Día das Letras Galegas este ano. Voces autorizadas, pois, para ter un cabal coñecemento de Paz Andrade. Convén non perdelo.