Mañá cómpre acompañar a Agustín Fernández Paz na homenaxe que se lle tributará na Sala Auditorio do Centro Social Novacaixagalicia (Rúa Policarpo Sanz, 26) e logo no xantar organizado no Restaurante Carrís de Vigo. Agustín meréceo ben, máis alá das palabras que escribiu e dos universos que inventou, máis alá das que ten que escribir e dos universos aos que lles dará forma, porque é un exemplo de fidelidade á lingua e ao seu país, pola súa integridade e pola súa xenerosidade sempre garimosa. Tantas razóns, e de certo que aínda hai máis, ben o xustifican. Mañá, todas e todos con Agustín.
Literatura galega. Blog de Ramón Nicolás
Caderno da crítica 