Manuscritos: Antonio García Teijeiro (I)

Cun próximo libro entre mans, neste caso unha antoloxía da súa produción poética total, Antonio García Teijeiro comparte aquí unha mostra moi  apreciada por el,  como tamén o é para esta bitácora e quen a vai gobernando. Trátase do poema “Que ocorre na Terra?”,  tirado do libro Paseniño,  paseniño   que,  ademais do seu acerto compositivo,  acadou certa celebridade ao incorporala o cantautor  Paco Ibáñez nos seus últimos concertos. Para   García Teijeiro  os seus manuscritos presentan unha caligrafía pouco clara e “nerviosa, porque non quero perder a idea”.  Sobre este resultado inicial, corrixe e emenda como se pode advertir no texto reproducido. Debaixo deste  último pódese  escoitar a interpretación do poema a cargo de Paco Ibáñez nunha montaxe que recolle unha gravación dun programa radiofónico.