Pasaba por este caderno Alfonso Álvarez Cáccamo hai algúns meses por mor da publicación da súa última novela –O destino de Claroescura Lens– e, algo antes, cando saudaba un novo e orixinal blogue que botara a andar baixo o título de Pensamentos de Ofafson Mokk. ao que parece ultimamente inactivo pois Mokk, atrévome cunha esperanzada interpretación do seu retraso, non retornou aínda da súa viaxe a Gurzonia por atopar alí cousas interesantes que facer.
Mais enriquece hoxe Alfonso Álvarez Cáccamo esta sección de manuscritos co fragmento dunha carta -na realidade tan só uns parágrafos dunha misiva máis longa- que, a comezos do ano pasado, lle enviou ao director do Faro de Vigo cando decidiu non seguir colaborando naquel xornal, tal e como o escritor vigués sinalaba “por mor da súa política de desprezo á lingua galega” pois “a miña conciencia impídeme participar no desmantelamento do noso idioma”. A explicación da súa decisión incorpórase, loxicamente, no fragmento que abaixo se reproduce. Grazas a Alfonso pola súa colaboración.
Caderno da crítica 