Kalandraka: quince anos

No seo dunha recente mesa redonda na que participei unha asistente interesábase pola nosa literatura máis recente e cuestionábanos sobre o que pensabamos  do incuestionable éxito dunha empresa como Kalandraka. Deixo escrito aquí o que me parece que respondín: traballo, traballo e mais traballo do grupo humano que conforma esta editorial, internacionalización do proxecto e aplicación de criterios rigorosos que procuran a excelencia do que, desde a cidade de Pontevedra, se da a coñecer polo mundo adiante. Lembrei isto ao fío de que hoxe Kalandraka está de aniversario. Vaian aquí os meus parabéns e que todas e todos poidamos seguir accedendo, moitos máis anos, a boas lecturas.