Mañá venres ás 20:00 horas, e no seo dos actos que se desenvolven na Feira do Libro de Vigo, acompañarei na calidade de moderador a dous narradores que moito estimo como son Francisco Fernández Naval, autor de A noite branca, publicada por Xerais e Antón Riveiro Coello, autor de Laura no deserto, publicada por Galaxia, dúas propostas narrativas de enorme alento entre as publicadas nos últimos anos.
É esta unha iniciativa, ao meu ver, que alén de irmandar autores e selos editoriais, ha resultar operativa, ou iso agardo, para debater e dialogar arredor do proceso creativo das devanditas obras -con tantos elementos de confluencia entre si- así como, entre outros factores, sobre cal é o funcionamento da literatura cando esta afonda na memoria colectiva.
Caderno da crítica 