Manuscrito: Francisco Fernández del Riego (e V)

Conclúo hoxe esta sub-sección especial de manuscritos vinculados coa celebración do centenario de Francisco Fernández del Riego. Pasaron por aquí diversas mostras manuscritas e mecanoscritas do polígrafo de Lourenzá por cortesía dos responsables da Biblioteca-Museo Francisco Fernández del Riego e mais da Fundación Penzol, a quen reitero o meu agradecemento.

          O mecanoscrito de hoxe correspóndese a un orixinal mecanografado da tradución que Fernández del Riego realizou de “O cemiterio mariño” de Paul Valéry e que se publicou no Grial, nº 9, 1965. Que a memoria de Don Paco siga viva para sempre.