Manuscrito: Xosé Neira Vilas (e III)

Tras dar conta nesta bitácora duns manuscritos pertencentes a Aqueles anos do Moncho  e mais a Querido Tomás de Xosé Neira Vilas, nestas datas nas que ando a ler dous novos e espléndidos libros do autor como son Aquel neno e mais Cancela aberta e dos que agardo ocuparme proximamente,  conclúo a sección dedicada a manuscritos do autor de Gres con dúas novas mostras neste caso pertencentes á versión manuscrita de Un home de pau (1999), un libro de relatos que, no seu momento e particularmente como lector, serviu para revelarme os fantásticos dotes narrativos de Neira tripando rexistros distintos aos que nos tiña afeitos. Beizón, pois,  a Neira Vilas e mais á Fundación que leva o seu nome pola xenerosa colaboración con este proxecto.