Hai case un ano medio ofrecía nesta bitácora unha primeira mostra manuscrita de Carlos Casares. Revelábase daquela un texto no que se incorporaban unha serie de apuntamentos que o escritor ourensán redactara no seu día sobre a obra de Ramón Piñeiro. Hoxe, tamén por cortesía da Fundación Carlos Casares, incorpórase outro modelo que explicita a técnica do seu intenso e recorrente traballo de corrección: unha páxina da que probablemente constituía unha das varias versións d´Os mortos daquel verán, novela que me fascinara ao pouco de se publicar.
No manuscrito obsérvanse con claridade as modificacións que Casares aplicaba á súa prosa: numerosos engadidos e emendas á procura da sinxeleza e fluidez narrativa, algo no que teimaba con obsesión.
Caderno da crítica 
1 Comment
Os comentarios están pechados.