Cuestionario Proust: Carmen Blanco

Carmen Blanco

 1.– Principal trazo do seu  carácter?
A liberdade e o amor, que son o mesmo.
2.– Que calidade aprecia máis nas persoas?
A bondade.
3.– Que agarda das súas amizades?
-Lealdade.
4.– A súa principal eiva?
A persistencia na paz, no amor, na liberdade e na responsabilidade.
5.–  A súa ocupación favorita?
-O amor e a liberdade.
6.–  O seu ideal de felicidade?
A utopía libertaria.
7.– Cal sería a súa maior desgraza?
-Un mal irreparable nas persoas que máis quero e o avance de calquera tipo de totalitarismo.
8.– Que lle gustaría ser?
-Unha persoa que fai ben.
9.– En que país desexaría vivir?
En calquera en paz e con quen amo. Amo todos os lugares.
10.– A súa cor favorita?
-O negro da liberdade total e o branco do amor total.
11. – A flor que máis lle gusta?
As brancas ou negras absolutas.
12.– O paxaro que prefire?
-O paxaro do gozo.
13.– A súa devoción na prosa?
Nestes momentos fragmentos de Christine de Pizan, Valle-Inclán, Camus, Carla Lonzi, Claudio Rodríguez Fer… E sempre a aberta autoría da vida verdadeira, imprescindible…
 14.– E na poesía?
-Nestes momentos fragmentos de cantares de mulleres, Safo, Shelley, Pimentel, Valente… E sempre a poesía da vida e Claudio Rodríguez Fer.
15. Un libro?
Un cuarto de seu de Virginia Woolf.
16.– Un heroe de ficción?
-Todos os homes sabios, bos e defensores da liberdade fronte aos poderes: Peter Pan na súa inocencia, os sabios de Verne…
17.– Unha heroína?
As mulleres sabias, boas e defensoras da liberdade fronte aos poderes: Alicia a do país das marabillas, Lisístrata a pacifista…
18.– A súa música favorita?
-A música do amor e algúns nomes de música compartida: Orff, Ferré, Patti Smith…
19.– Na pintura?
-A boa pintura da vida. Cousas do Bosco ou Leonor Fini e a creación de Van Gogh, Granell e Isaac Díaz Pardo.
20.–  Un heroe ou heroína na vida real?
-As xentes anónimas loitadoras e resistentes. Meus pais, na súa modestia, os primeiros. E, polas prácticas boas e os ideais de avance, Emma Goldman, as Mulleres Libres, Fourier, Gandhi, as xentes anarquistas parias e humildes…
21.– O seu nome favorito?
Mariña.
22.– Que hábito alleo non soporta?
-Os indignos, como a covardía…
23.– O que máis odia?
-Non odio e, precisamente, considero nefasto o odio, que deriva do medo patolóxico e é a orixe de todos os males menores e maiores: a crueldade, a envexa, a avidez, os celos, as guerras…
24.– A figura histórica que máis despreza?

-Todas as autoritarias, xerárquicas, prepotentes, dogmáticas, totalitarias, integristas, imperialistas, racistas, sexistas…
25.– Un feito militar que admire?
-Admiro a resistencia pacífica. Todas as guerras son perniciosas. Agardo que un día desaparezan os exércitos e os seus esforzos se dediquen só a tarefas humanitarias. 
26.– Que don natural lle gustaría ter?
-Facer feliz a quen quero e ser útil para todas as causas útiles que eu elixa.
27. – De que maneira lle gustaría morrer?
-En paz e sen causar dor a quen amo.
28.– Cal é o seu estado de ánimo máis habitual?
-Total liberación mental e esperanza na resolución dos conflitos persoais e sociais do mundo.
29.– Que defectos lle inspiran máis indulxencia?
-Os nacidos do mantemento na vida e dos seus instintos vitais básicos de conservación e reprodución, e, sobre todo, os derivados do amor e da xenerosidade: toda prodigalidade… 
30.– Un lema na súa vida? 
Amo mais non teño amo, dito nas “Novas noites nosas” de Vermella con lobos.

5 Comments

  1. Carme fai unha magnífica manifestación de amor sen límites, para o seu compañeiro, para as amizades e para as xentes do mundo. Para todos e todas pide un mundo en liberdade, libre de totalitarismo e de guerras. Un desexo que eu quero compartir con ela e os seus.
    Que o novo ano nos achegue algo dese amor inmenso pola vida.

      1. Grazas por esa estima as amizades, cos vosos amigos, síntome
        un pouco incluido neste apartado.
        Comparto ese desexo sobre a LIBERDADE.

  2. Moi ben polas agudas reflexións, Carme, …o canto común da Liberdade enche os de afectos os soños que temos, na Matria feliz que aínda agarda. Bicos e apertas de buxo. Mero.

Os comentarios están pechados.