Obras galegas na lista de honra do IBBY

Souben esta tarde que as dúas obras galegas que a Organización Española para o Libro Infantil propuxera para sumarse á prestixiosa  lista de honra IBBY, foron  consideradas positivamente  para incorporarse a ese catálogo. Parabéns, pois,  para as  Palabras de auga, e para o seu autor,  Marcos Calveiro,  dentro da modalidade de escritores e pola magnífica versión en galego que Carlos Acevedo realizou dos Contos por teléfono de Gianni Rodari no apartado de traducións. Parabéns  igualmente, ás editoriais, Xerais e Kalandraka respectivamente, que posibilitaron que estes títulos chegasen ás lectoras e lectores.