Xosé Vázquez Pintor
Columnas de papel 2
Edicións Morgante, Cangas do Morrazo, 2014, 362 páxinas, 20 €
Velaquí unha nova escolma dos artigos que Vázquez Pintor foi deixando en diversos medios, o que posibilita unha maior difusión e unha lectura globalizada deles. Léase como libro de memorias ou crónica de boa parte do ocorrido entre 1993 e 2012, facilita evocar acontecementos do mundo dos libros, da lingua, da sociedade ou da política; permite lembrarse, igualmente, de persoas do común e de personaxes sobranceiros. Todas elas visións perdurables pois nelas fai acenos ao que a vida, acotío, é quen de ofrecer.
Esta recensión viu a luz nas páxinas do suplemento “Fugas” de La Voz de Galicia, o 27 de xuño de 2014, baixo o título de “Acenos á vida”.
Caderno da crítica 