Hai algún tempo incorporei un apuntamento no que me detiña nalgunhas miniaturas medievais. Centro hoxe este na reprodución doutras que teñen como núcleo común o sexo en diversas formulacións, algunhas delas sorprendentes como a da imaxe da páxina de inicio: unhas monxas colleitando froitos da chamada “árbore dos penes” (tirado do Roman de la Rose, século XIV). Abaixo, por esta orde, a que se corresponde a un frade lascivo (tirado do Libro das Horas, concretamente a páxina dun calendario do mes de decembro, Nantes, século XV); a concepción de Alexandre Magno (tirado de Les faize d’Alexandre , Bruxas, ca. 1468-1475) e un kamasutra medieval (tirado doutro Libro das Horas, Francia, século XV).
Caderno da crítica 