Caderno da crítica

Literatura galega: de todo un pouco; ás veces tamén opinións. Blogue de Ramón Nicolás

As noites de Xián, de Concha Blanco

XG00216101Concha Blanco

As noites de Xián

Xerais, 40 páxinas, 11 €

 

Aparecido hai xa algúns meses no mercado non quixera rematar o ano sen facer unha referencia a un libro da autoría da autora ceense Concha Blanco, acompañado de suxestivas e espléndidas ilustracións  de Dani Padrón e que, baixo o título d´As noites de Xián, recrea as reviravoltas dun neno que, tras verse obrigado a abandonar a vila mariñeira na que naceu, non é quen de durmir debido a que sente a falta do son do mar. Ese arrolo continuo que se esvaece na súa vida provoca un baleiro que só se verá compensado cun sorprendente obxecto clave que se insire con moita naturalidade no discurso narrativo  recorrendo atinadamente á introdución do factor marabilloso representando tanto nun castelo como nunha princesa que aparecen e, maxicamente, desaparecen, co obxectivo posto en redondear unha intriga resolta con efectividade.

Gobernado pola sinxeleza e a emoción, sen nunca dar as costas á expresividade e á fluidez sempre precisa neste tipo de achegas, teño para min que este libro, pola temática da ausencia que trata, por como está ideado, constitúe todo un acerto.

Advertisements

Páxinas

Categorías

Arquivo

%d bloggers like this: