Caderno da crítica

Literatura galega: de todo un pouco; ás veces tamén opinións. Blogue de Ramón Nicolás

Marcos Abalde: “A pequena Rússia” (O recanto das horas, IV)

Fotografía ©Anxo Cabada

Fotografía ©Anxo Cabada

 

O recanto das horas é un proxecto interartístico que pretende xuntar un texto literario creado ad hoc, inspirado nas evocacións que un espazo determinado é quen de xerar nunha escritora ou escritor, e unha imaxe fotográfica, realizada ao fío desa proposta textual por Anxo Cabada.

Serie: “O recanto das horas”.

Cidade: Vigo.

Texto:  “A pequena Rússia”.

Autoría: Marcos Abalde.

Fotografía: Anxo Cabada.

Espazo: “Monumento á Memoria Histórica” (O Calvario).

 

 

A pequena Rússia

 

Foi em Lugo onde soubem da existência das três barricadas de Lavadores. Na biblioteca nodal lim de umha tirada O que fixeron en Galicia. Fiquei estremecido com a ignorância planificada, com o passado proibido, com o descomunal espólio da nossa história. Nesse momento compreendim para que valia a parede dupla da casa do meu avó.

       Pouco mais de vinte e quatro horas resistírom as barricadas dos Chorons, do Calvário e do Seixo. Eis a microtoponímia da dignidade. Depois os montes enchêrom-se de gente e novas barricadas fôrom erguidas de portas para dentro. Essas aguentárom anos, décadas, geraçons. Quanta verdade naquela palavra de ordem: A barricada fecha a estrada, mas abre o caminho.

       Pequenos detalhes mantinham a memória do combate daquele 21 de julho de 1936. Palavras que se reviravam contra o mandato do terror. Algo tam singelo como lhe chamar “ameixa” à ameixa virava um acto subversivo. Ser um meninho e saborear a carne dessa fruita e o avó a me oferecer um nome tam doce. A consciência de umha língua negada estendeu a barricada até nós. Depois véu o resto.

Marcos Abalde

Advertisements

Páxinas

Categorías

Arquivo

%d bloggers like this: