Caderno da crítica

Literatura galega: de todo un pouco; ás veces tamén opinións. Blogue de Ramón Nicolás

Augusta e os seus medos, de Sabela Fernández Trelles

Sabela Fernández Trelles

Augusta e os seus medos (ilustracións de Alicia Súarez)

Xerais, Vigo, 2015, 32 páxinas, 12,90 €

 

 

Alén da elaboración de diverso material didáctico e mais da peza de literatura infantil titulada  As aventuras de Mariña e Lucas (2012), Sabela Fernández Trelles realiza agora a súa segunda incursión neste ámbito con Augusta e os seus medos, e faino acompañándose na lectura gráfica polo traballo de Alicia Súarez.

     Editado en gran formato, este álbum ilustrado perfila, a través do personaxe de Augusta, un trastorno do comportamento vinculado coa inseguridade e algúns problemas derivados del como son os da socialización. Eses “medos” que atenazan a Augusta e que imposibilitan gozar dalgunhas das cousas boa que pode traer a vida, esa dificultade que ela mesma advirte para poder ulir, viaxar, falar ou soñar vai ser solventada a través do cotián, de mans dadas coa imaxinación, algo que contribuirá a quebrar esa barreira, en aparencia infranqueable, que a soidade e a introspección van construíndo.

    A autora ofrece, así pois, un suxestivo relato inspirado nun proceso de (auto)descubertas, alicerzadas en pequenos, sinxelos pero ao tempo efectivos e enxeñosos estímulos, que a propia Augusta debe ir por ela soa experimentando para, en definitiva, enfrontarse, con afouteza, aos seus propios medos.

Advertisements

Páxinas

Categorías

Arquivo

%d bloggers like this: