Caderno da crítica

Literatura galega: de todo un pouco; ás veces tamén opinións. Blogue de Ramón Nicolás

Bernardo Atxaga, este sábado, no CGAC (Compostela)

Retorna Bernardo Atxaga a Galicia e para min este é un gran motivo de alegría.  Tras ditar en Pontevedra unha espléndida conferencia, hai case un ano, e recibir, no seo da Gala das Letras que organiza anualmente a  AELG, o título de Escritor Galego Universal -un recoñecemento que abrazou con ilusión e, cónstame, con orgullo-, ofrécese outra ocasión para volver dialogar co autor de Obabakoak e d´O fillo do acordeonista este vindeiro sábado, 7 de marzo, en Compostela, onde inaugurará un ciclo de encontros dirixido e deseñado por Alfredo Conde  baixo o título de  “Cara a onde? Observando a  transformación cultural e social desde a literatura” . Máis adiante o ciclo irá completándose coas participacións  de  Suso de Toro (11 de abril), Carme Riera (23 de maio) e Bradley Epps (20 de xuño). En todas as ocasións terei o pracer de acompañar, cousa que agradezo, a Henrique Alvarellos e mais a Xosé A. López Silva nun curioso rol definido como “retrucante”, isto é, o de facer retruques, que nacerán -estou certo que por parte dos tres- dun inequívoco  alento construtivo que avive o debate. Veremos os camiños polos que serpean tanto esa “cortiza”  como a “áncora” que amenta Atxaga no título na súa intervención: sen dúbida que ben suxestivos.  A actividade é de entrada libre e gratuíta até completar as localidades.

Advertisements

Páxinas

Categorías

Arquivo

%d bloggers like this: