Alfonso Pexegueiro
Lapsus. A comedia de existir
Axóuxere, 2014, 128 páxinas, 15 €
Nun tempo onde a crise golpea, e con virulencia, o mundo editorial, cómpre saudar a afouteza de Axóuxere ao estrear unha nova colección –“Calíope” – coa proposta dun autor de dilatada traxectoria como é Alfonso Pexegueiro. Lapsus é unha peza dramática, ou talvez un poema en forma de diálogo, non exento de complexidade mais onde a perspectiva crítica apunta ao proceso de desposesión ao que se ven sometidas as persoas que menos teñen ou que máis atención precisan coma os nenos. Suxestivo, por certo, o prólogo de David Souto e o cruzamento de cartas co autor da peza que se incorpora, acaidamente, ao final da edición.
Esta recensión publicouse nas páxinas do suplemento Fugas, de La Voz de Galicia, o 8 de maio de 2015, baixo o título de “Arredor da desposesión”.
Caderno da crítica 
Reblogged this on Fonte da arte.