No tempo de Follas novas, María Pilar García Negro (ed.)

Pilar García Negro (ed).

No tempo de Follas novas

Alvarellos, Compostela, 282 páxinas, 18,50 €

 

Interesante e orixinal iniciativa a que ideou Pilar García Negro ao convocar un extenso grupo de ensaístas para falar de literatura universal contemporánea á publicación de Follas novas, hai agora 135 anos. Rosalía, así, exerce de referente para coñecer con solvencia e rigor o que dixeron e escribiron a Marchesa Colombi, Arthur Raimbaud, Ibsen, Eça de Queirós, George Eliot, Emily Dickinson, Tolstoi ou Curros Enríquez… O libro, iniciado cunha exemplar escolma-comentario de Follas novas a cargo da editora, patentiza como moitos trazos ideolóxicos e estéticos que expresaron as voces amentadas atesouran vasos comunicantes con Rosalía e viceversa.

Este texto publicouse nas páxinas do suplemento Fugas, o 5 de xuño de 2015, baixo o título de “Caleidoscopio literario”.