Cuestionario Proust: Ramiro Vidal Alvarinho

Ramiro Vidal Alvarinho

1.– Principal trazo do seu  carácter?

-Trabalha-me a cabeça de mais (isso às vezes nom é positivo).

2.– Que calidade aprecia máis nas persoas?

-A autenticidade sempre, o “tunning” do ego satura.

3.– Que agarda das súas amizades?

-Que estejam nas boas e nas más, a amizade é essencialmente isso.

4.– A súa principal eiva?

-A indisciplina e a inconstáncia, mas assumo desportivamente as suas conseqüências.

5.–  A súa ocupación favorita?

-Escrever, pensar em escrever e sonhar com projetos disparatados que depois resultam ser base para projetos reais.

6.–  O seu ideal de felicidade?

-Ser dono dos meus atos e do meu tempo (isso é umha forma de ser rico!).

7.– Cal sería a súa maior desgraza?

-Que desaparecera algumha pessoa importante na minha vida.

8.– Que lle gustaría ser?

-Pois umha versom melhorada e optimizada de mim próprio!!!

9.– En que país desexaría vivir?

-Numha versom melhorada e optimizada do meu próprio país. E com o mar sempre presente.

10.– A súa cor favorita?

-Difícil decidir-se por umha…quase que desisto.

11.– A flor que máis lle gusta?

– A rosa, tam formosa e tam capaz de ferir…

12.– O paxaro que prefire?

– O albatros.

13.– A súa devoción na prosa?

– Cunqueiro, por exemplo. Sempre que tiveres tempo a o lêr com calma, pode-lo descobrir de novo.

14.– E na poesía?

– Ultimamente Álvarez Torneiro e Carvalho Calero.

15-. Un libro?

– O Manifesto Comunista.

16.– Un heroe de ficción?

– Asterix.

17.– Unha heroína?

– Tintin. Estou certo de que era umha rapariga e tinha engate com o Capitám Haddock.

18.– A súa música favorita?

– A da água…o mar a bater nas rochas, a chúvia a repenicar nos telhados e nos vidros, o rio a a cantar a sua descida numha tarde de verao.

19.– Na pintura?

– Modernismo e impressionismo.

20.–  Un heroe ou heroína na vida real?

– A figura da mulher guerrilheira, em qualquer lugar do planeta.

21.– O seu nome favorito?

– Gosto dos nomes gregos. Irene, do que mais. Umha vez conhecim a umha rapariga que me dixo, eu no meu povo sou Irene da Demétria. Pareceu-me tam poético…

22.– Que hábito alleo non soporta?

– O de aproveitar as conversas com amigos para desenvolver solilóquios pretensamente geniais.

23.– O que máis odia?

– Ódio a falsidade e a manipulaçom.

24.– A figura histórica que máis despreza?

– Umha que é constante e que aparece em todos os tempos: a do traidor. Quê grande metáfora a de Judas…

25.– Un feito militar que admire?

– A guerra de guerrilhas. A guerrilha como conceito. Sob o modelo da guerrilha os povos do mundo infringirom numerosas derrotas ao imperialismo.

26.– Que don natural lle gustaría ter?

– O da música. Nunca conseguirei tocar um instrumento musical, e é a minha grande frustraçom.

27.- De que maneira lle gustaría morrer?

– Nom gostaria de morrer. Ainda que postos a escolher, com a consciência tranquila e sem dor.

28.– Cal é o seu estado de ánimo máis habitual?

– Nom tenho nem ideia, nom levo a conta.

29.– Que defectos lle inspiran máis indulxencia?

– A inveja, porque é como a gripe; todas as pessoas a temos nalgumha ocasiom.

30.– Un lema na súa vida?

– Cadaquém é o bom do seu próprio filme e há miles de milhons de filmes.