Os meus afectos (con Devendra Banhart)

Deixo un día coma hoxe un pouco de música dun artista polifacético como é Devendra Banhart, a quen sigo desde hai algún tempo. Concretamente un vídeo que foi o adianto do seu último álbum titulado Mala  e no que a través da canción ‘Für Hildegard Von Bingen‘ realiza unha lectura particular, simbólica e actual, de Hildegard: unha abadesa alemá do século XII sobre a que volverei por aquí nuns meses. No vídeo protagoniza ese papel a modelo e escritora Jodie Smith. Con todos os meus afectos para todas as persoas que vos achegades por aquí.