Premio Celso Emilio Ferreiro de poemas musicados

A Fundación Celso Emilio Ferreiro convoca a primeira edición do Premio Celso Emilio Ferreiro de poemas musicados. Un galardón, pioneiro no seu xénero e concepción, que pretende divulgar a poesía do autor de Celanova a través das interpretacións musicais que se fixeron, fan ou farán da súa obra poética e que, ademais, conta cun premio consistente en 3.000 €. Convido vivamente tanto a coñecer a totalidade das bases premendo aquí como, ao tempo, a participar a todas aquelas persoas, a título individual ou conformando un grupo musical, que o desexen.