A casa do medo
Agustín Fernández Paz
Rodeira-Edebé
128 páxinas * 9,95 €
Un dos libros póstumos do grande Agustín Fernández Paz que é imposible ler sen emoción. Nel advírtese a pegada dun mestre no xénero e volve transitar polo universo do misterio e o descoñecido co obxectivo depositado na superación da adversidade.
Bolcheviques 1917-2017
Teresa Moure (coord.)
Através Editora
188 páxinas * 15 €
Primeiro volume dun conxunto de ensaios onde se valoran as diversas dimensións que encerra o movemento bolxevique ao longo da historia, e tamén en Galicia, cen anos despois do inicio daquel proceso revolucionario.
O mono do asasino
Jakob Wegelius
Sushi Books
624 páxinas * 24 €
Un simio antropoide chamado Sally Jones, protagonista doutra historia xa publicada en galego no mesmo selo, decide agora escribir nunha Underwood nº 5 a historia dun asesinato cometido en Lisboa. Un libro esteticamente fantástico en tradución de Moisés Barcia.
Estas referencias publicáronse no suplemento Fugas, de La Voz de Galicia, o 25 de novembro de 2016.
Caderno da crítica 