Cuestionario Proust: Eva do Roxo

Eva do Roxo

 

1.– Principal trazo do seu  carácter?

– Enérxica, entusiasta e dispersa.

2.– Que calidade aprecia máis nas persoas?

– A constancia e a capacidade de rir e empatizar.

3.– Que agarda das súas amizades?

– Non agardo nada, góstame a xente, compartir o tempo; ao coñecerse vai configurándose a amizade.

4.– A súa principal eiva?

– A impaciencia.

5.–  A súa ocupación favorita?

– Non podería citar só unha pero nadar, escribir e pintar na seda diría que está axustadamente igualada con estar coas persoas que amo.

6.–  O seu ideal de felicidade?

– O estado actual.

7.– Cal sería a súa maior desgraza?

– Traizoarme a min mesma.

8.– Que lle gustaría ser?

– Quen son.

9.– En que país desexaría vivir?

– Evidentemente neste, Galiza.

10.– A súa cor favorita?

– Verde.

11.– A flor que máis lle gusta?

– Todas, cada día descubro algunha nova, pero a flor da xesta branca e a do toxo son moi especiais. Aínda que son fan de todas as frores, sempre ando a plantar por todos lados.

12.– O paxaro que prefire?

– Moi difícil. Amo os paxaros, vivo nunha casa que é como un observarorio deles e estou descubrindo un mundo deles, ultimamente adoptounos unha garza que vén case todos os días repousar na nosa terraza. Non sabería cal escoller.

13.– A súa devoción na prosa?

– Una mujer habitada. Gioconda Belli.

14.– E na poesía?

– Pedro Salinas, Amadeu Vidal i Bonafont

15.- Un libro?

– Diari d’un jove maniàtic.  Foi un deses libros que lin de nena que me fixo dubidar da realidade na que vivía. Non sei que pensaría se o leo agora de novo.

16.– Un heroe de ficción?

– Po, de Kung Fu Panda.

17.– Unha heroína?

– Chihiro.

18.– A súa música favorita?

– Non podería precisar. Depende moito do momento. Gosto dunha amplísimo abano musical…

19.– Na pintura?

– Monet, pero góstanme varias técnicas e o gravado xaponés é unha debilidade…

20.–  Un heroe ou heroína na vida real?

– Miña mai.

21.– O seu nome favorito

– Só un?

22.– Que hábito alleo non soporta?

– Varios…, pero sobre todo que se mofen da xente.

23.– O que máis odia?

– Estar lonxe dos meus amores.

24.– A figura histórica que máis despreza?

– Calquera ditador ou réxime ditatorial.

25.– Un feito militar que admire?

– 25 de abril. A revolución dos cravos.

26.– Que don natural lle gustaría ter?

– O da flexibilidade.

27.– De que maneira lle gustaría morrer?

– De súpeto.

28.– Cal é o seu estado de ánimo máis habitual?

– Cambiante.

29.– Que defectos lle inspiran máis indulxencia?

– Que escapen ventosidades inapropiadas.

30.– Un lema na súa vida?

– Ata o infinito e máis alá!