Caderno da crítica

Literatura galega: de todo un pouco; ás veces tamén opinións. Blogue de Ramón Nicolás

Cuestionario Proust: Lorena Conde

Fotografía: Inés Salvado

Lorena Conde

 1.– Principal trazo do seu  carácter?

-A tenacidade.

2.– Que calidade aprecia máis nas persoas?

-A honestidade e a sinxeleza.

3.– Que agarda das súas amizades?

-Honestidade e apoio.

4.– A súa principal eiva?

– Pois está entre a dúbida e a cabezonería, aí anda.

5.–  A súa ocupación favorita?

-Facer, crear cousas tanxibles.

6.–  O seu ideal de felicidade?

-Ter a maquinaria  en bo estado e dedicarme só a aquilo que me gusta.

7.– Cal sería a súa maior desgraza?

-Primeiramente a desgraza dun ser querido. En segundo lugar pasar a vida a facer algo que non me guste.

8.– Que lle gustaría ser?

-Máis social. Que ás oito da tarde non me apeteza xa poñer o pixama e as pantuflas.

9.– En que país desexaría vivir?

-Nalgún do trópico, probablemente. Levo fatal o frío.

10.– A súa cor favorita?

-Amarelo.

11.– A flor que máis lle gusta?

-Adoro os patróns repetitivos, así que calquera que se estruture así.

 12.– O paxaro que prefire?

-O paporrubio.

13.– A súa devoción na prosa?

– Téñolle admiración a moitas autoras e gozo inmenso léndoas, pero non son nada devota, a verdade.

14.– E na poesía?

-Ídem.

15.- Un libro?

Corazón de can e O mestre e Margarida.

16.– Un heroe de ficción?

– Joseph K.

17.– Unha heroína?

-As camareiras do Manual básico de hostalería.

18.– A súa música favorita?

-Agora mesmo Stromae e o ruído branco.

19.– Na pintura?

– Jenny Saville

20.–  Un heroe ou heroína na vida real?

-A miña avoa María.

21.– O seu nome favorito?

-Xulia, Flavia, Claudia… póñome un pouco romana con estas cousas.

22.– Que hábito alleo non soporta?

-A mentira e a impuntualidade (a partes iguais).

23.– O que máis odia?

-Que se acabe a bombona de butano no medio dunha ducha.

 24.– A figura histórica que máis despreza?

-Carai, está complicado. Millán-Astray, probablemente, por aquilo de “muera la inteligencia” e aos nosos contemporáneos que o poñen en práctica con tanto celo.

25.– Un feito militar que admire?

-Ningún en absoluto.

26.– Que don natural lle gustaría ter?

-A paciencia.

27.– De que maneira lle gustaría morrer?

-Sen sufrir nin me decatar, durmindo ou así.

28.– Cal é o seu estado de ánimo máis habitual?

-Impaciente, ansiosa.

29.– Que defectos lle inspiran máis indulxencia?

-A torpeza en todos os sentidos.

30.– Un lema na súa vida?

-É herdado, pero sempre vale: sae da casa coa roupa interior limpa, non vaia ser o demo que teñas un accidente.

Advertisements

Información

Esta entrada foi publicada o 16 Febreiro 2018 por en Divulgación,Literatura galega , .

Páxinas

Categorías

Arquivo

%d bloggers like this: