Novidade (10): Fun home. Unha familia tráxica, de Alison Bechdel

Moi devoto dos títulos que acolle a colección “novela gráfica” de Rinoceronte Editora chégame unha nova publicación titulada Fun home. Unha familia tráxica da autora estadounidense Alison Bechdel, en tradución de Belén Poutón.  Velaquí a información editorial:

Bruce Bechdel é profesor de inglés e dirixe unha funeraria, ademais de ser o pai esixente e distante de Alison. Só cando esta admite, xa na universidade, que é lesbiana, descobre que o seu pai tamén é homosexual.

Pouco despois desta revelación, Bruce falece nun accidente, e déixalle á súa filla un legado de misterio, complexos e soidade. Gañadora do Premio Eisner, Alison Bechdel transforma a súa historia familiar nunha novela gráfica de referencia, de gran profundidade literaria e psicolóxica.