Novidade (52): Arousa, de Carlos Meixide

Chega a este blog Arousa, o novo libro de Carlos Meixide, que se sitúa nese ciclo de novelas destinadas, aínda que non só, a un lectorado xuvenil. Na xinea de Ons, Cans e Guitiriz, coa presente, co pano de fondo da Illa de Arousa, retornan os coñecidos Roi, Suso, Anabel e Fátima para guiarnos por intrigas que teñen que ver coa resolución dun conflito vinculado cun envelenador de cans e onde non falta nin ese humor que, sen dúbida, é marca do autor nin outros asuntos como o que se vincula coa vivencia da sexualidade nos seus protagonistas. Os meus parabéns a un autor que abraza con convicción o camiño da autoedición e que demostra que esta opción, fóra dos círculos comerciais, existe e, con esforzo, deita os seus resultados: máis de tres mil exemplares vendidos desta serie testemuñan o que afirmo.