Caderno da crítica

Literatura galega: de todo un pouco; ás veces tamén opinións. Blogue de Ramón Nicolás

Memoria de Xosé Carlos Gómez Alfaro

Un amigo faime chegar esa publicación, sospeito que non venal, que recolle a declaración oficial do poeta ribeirao de nación e guardés de adopción, falecido prematuramente en 2008, como Fillo Adoptivo de A Guarda, algo que sen dúbida honra á institución municipal. O opúsculo, editado polo propio concello, inclúe diversa documentación oficial, un prólogo de Antonio Lomba, outro subscrito pola imprenta da publicación e varios artigos de interese a cargo de Ricardo Rodríguez Vicente, Joaquín Miguel Villa, Gregorio Ferreiro Fente, o Padre Airas e Xesús Alonso Montero, alén dunha breve “Escolma poética” do autor.

Gustoume ter nas mans esta modesta pero valiosa publicación porque me trouxo á memoria a  Gómez Alfaro: un extraordinario poeta, a quen lembrei hai uns meses na Guarda, que me honrou coa súa amizade e que tamén me honrou ao solicitarme que dispuxese un limiar ao seu libro Confíteor, que publicou Sabino Torres naquel benemérito selo que foi Litoral das Rías e que presentamos, un serán fermoso do ano 2005, na vila da Guarda, o autor, Sabino Torres, o profesor Alonso Montero, Celso Rodríguez e quen isto escribe. Confíteor, sen dúbida, foi un libro moi singular que harmonizaba poesía de corte reivindicativo con outra de filiación relixiosa e que viña da man de alguén que manexaba os recursos compositivos con mestría. Quede aquí esta breve memoria de Xosé Carlos Gómez Alfaro.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Información

Esta entrada foi publicada o 9 Febreiro 2019 por en Divulgación,Literatura galega , , .

Páxinas

Categorías

Arquivo

%d bloggers like this: