Novidade (90): Os rapaces non calcetan (en público), de T.S. Easton

Sushi Books comeza a distribuír unha nova tradución, a cargo de Moisés Barcia, neste caso do título Os rapaces non calcetan (en público) do autor británico T.S. Easton. A novela desenvolve unha trama, segundo fontes editoriais, sintetizada así: “Ós seus 17 anos, Ben Fletcher vese obrigado a ofrecer servizos para a comunidade logo dun desafortunado incidente que case o leva a ingresar nun centro de menores. Deste xeito, Ben descubrirá unha afección que o levará polo bo camiño. A profesora que lle gusta leva un club de calceta, así que Ben se inscribe de mala gana nesta actividade. Para a súa sorpresa, o mozo descobre que lle gusta tecer e intenta mantelo en segredo ante os ollos dos seus compañeiros, mentres a rapaza dos seus soños revela os seus sentimentos cara a el”.