Con ilustracións a cargo de Laura Cortés hai xa algúns días que apareceu O raposo aviador que voa sen motor: un novo libro de Antonio Reigosa, o escritor mindoniense, cronista da súa cidade natal, investigador e divulgador da cultura popular.
Reigosa manéxase con solvencia e experiencia contrastada nesta proposta creativa para as crianzas onde, como noutras ocasións, non poden faltar os raposos. Neste caso, o protagonista gaña a complicidade de quen se achegue a este libro desde a primeira páxina, quer pola súa simpatía, quer pola súa afouteza ou pola vontade de romper barreiras e converter así o soñado en real. Un libro lúdico, participativo e imaxinativo onde hai lugar tamén para a poesía e a música. Para non esquecer esa fábula contemporánea dona dun ritmo vertixinoso e, sen dúbida, construída con talento e efectividade.
Caderno da crítica 