Novidade (160): Óstraka, de Luís Valle

Chega ao Caderno da crítica un novo libro de poemas do xestor cultural e artista plástico Luís Valle. O seu título é Óstraka e fontes editoriais anúnciano como un libro onde se constrúe e nomea “a desmemoria e todo aquilo que, aos poucos, vai caendo na insignificancia. Cunha escrita fragmentaria, precaria e marxinal, coma os fragmentos cerámicos nos que se rexistraba o nome dos condenados ao ostracismo, o poeta reflexiona sobre a vida, a linguaxe e o finito de existencia”. Como é natural, dámoslle a nosa benvida.