1.– Principal trazo do seu carácter?
-A constancia, creo.
2.– Que calidade aprecia máis nas persoas?
– A alegría e a boa vontade.
3.– Que agarda das súas amizades?
-A proximidade sincera.
4.– A súa principal eiva?
– Co meu entorno podo ser excesivamente insistente e maniático.
5.– A súa ocupación favorita?
– Nada estraño: estar a carón dos meus, viaxar e ler, claro.
6.– O seu ideal de felicidade?
-Habitar unha comunidade global xusta e equilibrada. Teño instalada esa idea aristotélica de que o ben individual debe subordinarse ao común.
7.– Cal sería a súa maior desgraza?
-Experimentar a dor dos máis próximos e queridos.
8.– Que lle gustaría ser?
-Profesionalmente? Matemático ou físico teórico e inventor.
9.– En que país desexaría vivir?
– Non sei, por un tempo tempo nalgún moi diferente ao noso, polo feito de comezar de novo e revisar usos e costumes.
10.– A súa cor favorita?
– Vermello.
11.– A flor que máis lle gusta?
– Nin idea.
12.– O paxaro que prefire?
– Parécenme fascinantes as curuxas.
13.– A súa devoción na prosa?
– Vou ser estrito e contestarei só unha nas seguintes preguntas, aínda sendo dificilísimo. Prosa: Thomas Bernhard.
14.– E na poesía?
– Ía dicir Nietzsche, pero Horacio Quiroga.
15.- Un libro?
16.– Un heroe de ficción?
-Sen pensalo moito, Pekisch, de “Terras de cristal”.
17.– Unha heroína?
– De ficción? A que se me ven á mente é Lisbeth Salander.
18.– A súa música favorita?
– Radiohead.
19.– Na pintura?
– Goya.
20.– Un heroe ou heroína na vida real?
– Moitxs, os descoñecidos do cotián, que fan as cousas sen a prepotencia do que procura ser admirado.
21.– O seu nome favorito?
– Blanca (o nome da miña filla).
22.– Que hábito alleo non soporta?
– Dentro do bastante amplo catálogo de cousas diarias que me molestan (e sei que son eu!), escoitar sorber os mocos.
23.– O que máis odia?
– A soberbia das elites.
24.– A figura histórica que máis despreza?
– Franco.
25.– Un feito militar que admire?
– Os alzamentos populares contra os privilexiados.
26.– Que don natural lle gustaría ter?
– Entre os posibles? Moitos, sobre todo os que palían as miñas carencias: habilidades manuais, memoria, poder de concentración, e moitos máis.
27.– De que maneira lle gustaría morrer?
– Sen remorsos –e se pode ser sen dor mellor-.
28.– Cal é o seu estado de ánimo máis habitual?
– Unha serena impaciencia.
29.– Que defectos lle inspiran máis indulxencia?
– A preocupación excesiva, a obsesión, por facer as cousas ben, agradar, etc. Tamén a inxenuidade.
30.– Un lema na súa vida?
– Deixar que o ser sexa.
Caderno da crítica 