Diego Bernal e Xoán Lagares
Antologia de textos para pensarmos a lingua
Através Editora, Compostela, 152 pp., 15 €, 2020
Carvalho, un dos pais da lingüística galega moderna e quen primeiro sistematizou e herborizou a historia da nosa literatura galega contemporánea, merece unha atención especial neste blog.
Incorporaranse deste xeito, todos os días ao longo desta semana que é a das Letras Galegas, breves referencias vinculadas quer ás novidades editoriais máis recentes ás que tivemos acceso quer a outros asuntos vinculados co seu universo vital e literario.
Hoxe dáse conta da aparición dun texto de carácter didáctico como é esta Antologia de textos para pensarmos a língua, a cargo dos profesores e ensaístas Diego Bernal e Xoán Lagares. A estrutura do libro presenta, alén dunha introdución que repara na opción reintegracionista que abrazou o autor, unha ducia de textos de temática lingüística que afondan nas claves do seu pensamento e que, ademais, se organizan a través dunha tripla organización, isto é, preséntanse acompañados dunha orientación previa á lectura, á propia lectura dos textos como é lóxico e, por último, unha terceira fase que ofrece suxestións de lectura e de pesquisa posterior que estimula a reflexión didáctica sobre diversos aspectos recreados nos textos.
Caderno da crítica 