Nun chío de Manuel Bragado, inserido nese traballo monumental e de referencia que está a elaborar en twitter sobre Xela Arias, xa se refería á participación da poeta viguesa na revista cultural Tintimán. En efecto, no número 0, datado en 1984, e na páxina 53, incorpóranse os poemas “Abandono xa a marcha da miña sombra” e “O vertigo enano”, que logo incluiría en Denuncia do equilibrio con algunha variante.
Ambos os poemas estaban introducidos por un pequeno texto valorativo a cargo de Xerome Calero como se pode ver nesta reprodución inferior.
Caderno da crítica 