Na presentación de “Medo político e control social na retagarda franquista”, de Lucio Martínez Pereda

Foto: Anxo Cabada

Supuxo, para min, unha experiencia fantástica ter a fortuna de acompañar a Lucio Martínez Pereda e mais a Manuel Bragado na presentación de Medo político e control social na retargada franquista, que tivo lugar onte na Casa do Libro de Vigo.

     Este é un libro clarificador e afouto, que inqueda e, por partes, chega a conmover pois fala, fundamentalmente, do medo e da represión que tan impunemente e durante tanto tempo se exerceu contra as persoas en virtude da imposición do pensamento fascista e da negación dos dereitos máis básicos. Escribirei, máis adiante, sobre este valioso ensaio. Grazas ao autor por contar comigo para presentar o seu libro publicamente  nun acto que contou coa presenza de tantas amigas e amigos.

Addenda: Manuel Bragado, no seu blog Brétemas, realiza unha crónica máis extensa deste acto. Moitas grazas.